Kystverket | Selvbetjening

Meld inn utfordringar i farvatnet som bør utbetrast

Her kan interesseorganisasjonar og offentlege instansar melde inn behov knytt til utfordringar i farvatnet som påverkar moglegheitene for trygg, effektiv og miljøvennleg ferdsel i farvatnet og inn mot offentleg tilgjengelege hamner.

Dette er ikkje ein søknad, men ein moglegheit til å melde inn eit ynskje. Dersom innspelet er godt, vil vi vurdere å gjennomføre ei samfunnsøkonomisk analyse og sjå på moglege løysingar. Større tiltak må eventuelt prioriterast i Nasjonal transportplan for å kunne gjennomførast.

Dersom det gjeld feil på sjømerke eller andre farar av betyding for sikker navigasjon eller ferdsel, må du varsle Nasjonal koordinator for navigasjonsvarslar i staden.

Kven kan gi innspel?

Interesseorganisasjonar som til dømes Norges Kystfiskarlag, Norges Fiskarlag, Fiskebåt, Norges Rederiforbund, Kongelig Norsk Båtforbund eller offentlege organisasjonar som hamnevesen, kommunar og fylkeskommunar.

Sensitive opplysningar og unntak frå offentleg innsyn

Opplysningar eller dokument som inneheld sensitiv informasjon eller som er unntatt offentleg innsyn skal sendast inn via eDialog og ikkje via denne løysinga.

Behandling av personopplysningar

Vi ber om personopplysningar som namn, telefonnummer og e-postadresse. Dette er opplysningar vi treng for å utøve offentleg myndigheit. Vårt behandlingsgrunnlag følgjer av personvernforordninga artikkel 6 bokstav nr. 1 bokstav e, jf. nr. 3 bokstav b.