Tilskot til utbygging eller utbetring

Med dette skjemaet søkjer kommunen om tilskot til utbygging eller utbetring i ei kommunal fiskerihamn. Du kan søkje om tilskot til fast og flytande kaianlegg, bølgjedempar, molo og utdjuping i nytt eller etablert hamneområde.

Gå til skjemaet

Før du startar

• Du treng ikkje å logge inn.
• Skjemaet finst berre på bokmål og nynorsk.
• Kommunar og kommunale hamneføretak kan søkje om tilskot som skal gå til fiskerihamnetiltak.
• Det blir opna for søknader kvart år i desember eller januar. Fristen for å søkje er 1. mars.
• Sjekk om tiltaket kan få tilskot ved å lese retningslinjene for tilskot til kommunale fiskerihamnetiltak (PDF).
• Opplysningar eller dokument som er sensitive eller unnatekne offentlegheit, skal ikkje sendast her. Bruk eDialog i staden.

• Før du sender inn, må du stadfeste at du har forstått vilkåra for å kunne få støtte:

  • Tilskotet kan berre givast til kommunar i Noreg og skal gå til fiskerihamnetiltak. Gjeldande regelverk og norske standardar må leggjast til grunn for prosjekteringa.
  • Anlegg som blir bygde med statleg tilskot, skal vere i kommunalt eige og vere offentleg tilgjengelege i tråd med føremålet med utbygginga.
  • Prosjekta som får støtte, skal ikkje gi enkeltbrukarar eksklusive rettar.
  • Tiltaket skal ferdigstillast og sluttrapporterast innan fastsette fristar.

Søknaden er omfattande. Det lønner seg å ha klar tekstane om prosjektet, statistikk for dei tre siste åra, kostnadsoverslag per tiltak og teikningar og plankart som filer før du startar.

Dette spør vi om

Alle felt må fyllast ut, unntatt dei som er merka valfritt i skjemaet.

1. Søkjar

• Prosjektnamn (påkravd): Til dømes type tiltak og stad.
• Namn på fiskerihamn (påkravd)
• Gards- og bruksnummer (gnr./bnr.) (påkravd): Skriv det som gardsnummer/bruksnummer, til dømes 400/2. Kvart nummer kan ha frå eitt til fire siffer.
• Oppstart og Ferdigstilling (påkravd): Når prosjektet skal starte, og når det skal vere ferdig.
• Org. nr. (påkravd): Organisasjonsnummeret til kommunen eller hamneføretaket, ni siffer. Namnet blir henta automatisk, og du kjem ikkje vidare om vi ikkje finn det.
• Kommune (påkravd): Vel kommunen frå lista.
• Kontonummer (påkravd): Elleve siffer.
• Kontaktperson (påkravd): Fullt namn, E-post og Telefonnummer. Telefonnummeret må vere eit norsk nummer med åtte siffer, eller eit utanlandsk nummer som startar med landskode, til dømes +46. Kvitteringa med ein kopi av søknaden blir send til e-postadressa.

2. Prosjekt

• Type tiltak (påkravd): Vel eitt eller fleire av fast kai, flytande kai, bølgjedempar, molo og utdjuping. Valet avgjer kva kostnadstabellar du fyller ut under Finansiering.
• Beskriving av prosjektet (påkravd): Informasjon om kommunen, tiltaket, dimensjonar, føremål og kven anlegget skal byggast for.
• Mål (påkravd): Mål for tiltaket og forventa verknader for brukarane. Måla må vere i samsvar med måla for tilskotsordninga.
• Samfunnsnytte (påkravd): Beskriv og dokumenter behovet for og nytten av utbygginga i fiskerisamanheng.
• Næringsaktivitet (påkravd): Fiskeri- og oppdrettsnæringa i kommunen og i fylket, utviklinga dei siste tre åra og forventa utvikling som følgje av tiltaket. Opplys også om eksisterande forhold, som offentlege kaier, akvakultur, fiskemottak og andre hamneforhold.
• Eig kommunen heile området der tiltaket skal gjennomførast? (påkravd): Ja eller nei.
• Avtale med grunneigar (valfritt, blir vist om du har svart nei på spørsmålet over): Last opp avtalen med grunneigar om du har han. Leigeavtale for flytande kai og flytande bølgjedempar må gjelde i 15 år, og for fast kai og fast molo i 20 år.
• Føreligg stadfesting frå kommunen si planavdeling? (påkravd): Ja eller nei. Tiltaket må vere i samsvar med arealplan etter plan- og bygningslova.
• Kommentar (påkravd om du har svart nei på spørsmålet over): Forklar kvifor de søkjer om tilskot sjølv om tiltaket ikkje er i samsvar med arealplanen.
• Marker i kart (påkravd): Marker minst eitt punkt, ei linje eller eit område for kvar tiltaket skal liggje, og gi kvar markering ei kort beskriving.
• Plan- og snitteikningar (påkravd): Teikningar av tiltaket det blir søkt om. Minst éi fil.
• Plankart for området (påkravd): Arealplan og reguleringsplan, som du finn hos SePlan. Minst éi fil.
• Situasjonsplan (påkravd): Eit kart som viser arealbruken i kai- og hamneområdet og eigedomsforholda, jf. punkt 9.7 i retningslinjene. Minst éi fil.

3. Statistikk

For kvart av punkta under oppgir du tal for i år, i fjor og for to år sidan. Alle tala er påkravde.

• Fiskarar blad A og B, på staden til tiltaket: Tal.
• Fiskefartøy heimehøyrande, på staden til tiltaket: Tal.
• Årleg ilandbrakt fisk, på staden til tiltaket: Mengde i tonn.
• Fiskarar på staden til tiltaket, som dreg direkte nytte av tiltaket: Tal. Med direkte nytte meiner vi dei som blir berørte av utbygginga, til dømes fartøy som får tilgang til eller betre tilkomst til ei hamn etter ei utdjuping.
• Sysselsette på staden som dreg nytte av tiltaket: Tal på sysselsette på land i første linje som er direkte knytte til fiskeriservice og liknande.
• Fartøy som dreg direkte nytte av tiltaket: Tal.

4. Finansiering

• Kommunen sin andel og Omsøkt andel frå Kystverket (påkravd): I prosent.
• Anna offentleg finansiering (påkravd): I kroner. Støtte som kan knytast til dei kostnadene i prosjektet som kan få tilskot. Skriv 0 om de ikkje har det.
• Anna finansiering (påkravd): I kroner. Skriv 0 om de ikkje har det.
• Totalkostnad (eks. mva.) og Omsøkt beløp frå Kystverket (eks. mva.) (påkravd): I kroner.
• Informasjon om kostnadsoverslaget (påkravd): Om overslaget byggjer på anbod eller er kalkulert.

• Kostnad per tiltak (påkravd): For kvar type tiltak du valde under Prosjekt, fyller du ut to tabellar i kroner eksklusive mva. Skriv 0 på postar utan utgifter. Har du fleire tiltak av same type, legg du til fleire med knappen under tabellen.

  • Tabell A har postane for tiltakstypen, til dømes byggeplasskostnader, fylling, mudring, forankring eller navigasjonsinstallasjonar. Ved kvar post står det om tilskotsgrunnlaget er 50 prosent eller blir vurdert.
  • Tabell B har Uføresette (maks 15% av A) og Planlegging/prosjektering (maks 10% av A). Samla kostnad blir rekna ut for deg.

5. Sjå gjennom

Du ser over opplysningane før du sender inn. Er noko ikkje fylt ut rett, kan du gå tilbake til steget og rette det. Når du sender inn, stadfestar du at du har forstått vilkåra for å få støtte.