Utfordringar i farvatnet

Med dette skjemaet kan interesseorganisasjonar og offentlege instansar melde inn behov knytte til problem i farvatnet som påverkar moglegheitene for trygg, effektiv og miljøvenleg ferdsel i farvatnet og inn mot offentleg tilgjengelege hamner.

Dette er ikkje ein søknad, men ei moglegheit til å melde inn eit ønske. Er innspelet godt, vurderer Kystverket å gjennomføre ei samfunnsøkonomisk analyse og sjå på moglege løysingar. Større tiltak må eventuelt prioriterast i Nasjonal transportplan for å kunne gjennomførast.

Gå til skjemaet

Før du startar

• Du treng ikkje å logge inn.
• Skjemaet finst på bokmål og nynorsk, ikkje på engelsk.
• Innspel kan givast av interesseorganisasjonar, som Norges Kystfiskarlag, Norges Fiskarlag, Fiskebåt, Norges Rederiforbund og Kongelig Norsk Båtforbund, og av offentlege organisasjonar, som hamnevesen, kommunar og fylkeskommunar. Du må oppgi organisasjonsnummeret til organisasjonen du melder inn for.
• Gjeld det feil på sjømerke eller andre farar for sikker navigasjon eller ferdsel, skal du ikkje bruke dette skjemaet. Send eit navigasjonsvarsel i staden.
• Opplysningar eller dokument som er sensitive eller unnatekne offentleg innsyn, skal ikkje sendast her. Bruk eDialog i staden.

Dette spør vi om

Alle felt må fyllast ut, unnateke dei som er merkte valfritt i skjemaet.

1. Kontaktinformasjon

• Fullt namn (påkravd): Namnet på kontaktpersonen.
• E-post (påkravd): Hit sender vi kvitteringa med ein kopi av innspelet.
• Telefon (påkravd): Eit norsk nummer med åtte siffer, eller eit utanlandsk nummer som startar med landskode, til dømes +46.
• Org. nr. (påkravd): Organisasjonsnummeret med ni siffer. Namn/føretaksnamn blir fylt ut automatisk frå organisasjonsnummeret.
• Land, Adresse, Postnummer og Poststad (påkravd): For ei norsk adresse blir poststad fylt ut automatisk frå postnummeret. Vel du eit anna land enn Noreg, skriv du inn poststad sjølv, og postnummer er valfritt.

2. Informasjon om utbetring

• Kort skildring av problemet (påkravd): Skildre problemet i farvatnet så tydeleg som mogleg. Kva er utfordringa, og korleis påverkar ho tryggleik, framkome eller andre forhold? Unngå å foreslå løysingar. Inntil 2000 teikn.
• Kven har behov for å få løyst problemet? (påkravd): Til dømes transportfartøy, ferjer eller hurtigbåt. Inntil 2000 teikn.
• Skildre nytteverdien av ønska utbetring i farvatnet (påkravd): Til dømes spart tid og kostnad, redusert utslepp av klimagassar eller redusert risiko for ulukker i farvatnet. Inntil 2000 teikn.
• Vedlegg (valfritt): Eigne vedlegg som skildrar problemet nærare. PDF, JPEG eller PNG, inntil 10 MB per fil.
• Stadfesting (påkravd): Marker i kartet der utbetringa er ønska, med punkt, linje eller polygon. Du må leggje til minst éi markering. Kvar markering får eit nummer og eit tekstfelt under kartet, der du må skrive eit namn på markeringa.

3. Sjå gjennom

Du ser over opplysningane før du sender inn. Etter innsending får du ei kvittering med ein kopi av innspelet på e-postadressa du oppgav.